Kronika
Eno Bedalli, një nga viktimat e masakrës në Elbasan, i arrestuar në 2013-ën në Itali për trafik të kokainës
Eno Bedalli, njëri prej tre viktimave të masakrës në ELbasan, ka qenë i arrestuar si pjesë e një rrjeti të dyshuar pë trafik kokaine në Itali. Sipas mediave italiane, rezulton se 38 vjeçari Eno Bedalli, i njohur si mik i familjes së Agron Çapjas, tashmë edhe ky i vrarë, është arrestuar në qershor të 2013 në Itali.
Siç shihet edhe në këto foto të shpërndarë në momentin e arrestimit nga policia italiane, Bedalli ishte pjesë e një rrjeti që merrej me trafikun e kokainës në veri të Italisë. Mediat, në kohën e arrestimit të tyre njoftuan se për prangosjen e grupit prej 10 personash, ku bënte pjesë edhe Bedalli, janë angazhuar mbi 300 forca komando të policisë italiane.
Sipas drejtësisë italiane, Bedalli së bashku me grupin ku bënte pjesë, dyshohet se kanë trafikuar rreth 31 kg kokainë, që kap vlerën e 10 milion eurove. Droga, thuhej se trafikohej nga Holanda në Itali dhe më pas banda ku bënte pjesë Bedalli bënin shpërndarjen në sasira të vogla në qytetet si Asti, Udine, Breshia, Savona, Xhenova, Piza, Parma dhe Milano.
ABC News ka kontaktuar zyrtarë të policisë së shtetit, për rastin e viktimës Eno Bedalli, dhe asnjë institucion në Shqipëri nuk kishte dijeni se çfarë është bërë me dosjen e tij në Itali dhe si u lirua e përfundoi në Shqipëri 38 vjeçari tashmë i vrarë.
Në atentatin e mbrëmjes së mërkurë, përveç viktimës Eno Bedalli u vranw edhe shtetasit Agron Çapja dhe Ardit Sinakoli, ndërsa u plagosen 8 të tjerë.
