Fabregas: Të luash për Chelsean është shumë e lehtë

Mesfushori i Chelseat, Cesc Fabregas, thotë se të luajë për Blutë është “aq e lehtë”, pas debutimit të tij në Ligën Premier në fitoren 3-1 ndaj Burnleyt.

Ish-ylli i Barcelonës ishte inspirues duke ndihmuar Blutë të rikthehen nga disavantazhi për të fituar në fund, pasi kontribuoi në të tre golat e shënuar nga Diego Costa, Andre Schurrle dhe Branislav Ivanovic.

“Ata e bënë shumë të lehtë për mua. Çdokush më ka mirëpritur që nga dita e parë, jam ndjerë komfort me stafin, me gjithë lojtarët”.

“Ne kemi një lidhje të mirë, andaj pres një vit vërtet të mirë para nesh”, ka thënë Fabregas për Sky Sports.