FMN kërkon lehtësim të konsiderueshëm të borxhit për Greqinë

Fondi Monetar Ndërkombëtar ka dërguar një sinjal të fortë se ai mund të largohet nga programi i ri i shpëtimit të Greqisë, duke argumentuar se nuk do të jetë në gjendje të marrë pjesë nëse kreditorët evropiane nuk i ofrojnë Athinës lehtësim të konsiderueshëm të borxhit.

Ky veprim përsëri rrit presionin ndaj Gjermanisë, e cila ka kundërshtuar çdo lehtësim të borxhit, pikërisht teksa po përgatitet për të kërkuar miratimin e parlamentit të saj për të negociuar detajet e një plani të ri, për të cilin u arrin marrëveshja në një samit në fundjavë.

Bundestagu pritet të mblidhet për një seancë të jashtëzakonshme më vonë këtë javë, nëse parlamenti grek të mërkurën kalon masat shtrënguese të kërkuara nga kreditorët në këmbim të 86 miliardë eurove mbështetje të re financiare.

Aleksis Tsipras, kryeministri grek, është duke luftuar që të përmbajë një rebelim brenda krahut të majtë, SYRIZA, që është kundër masave shtrënguese, përpara votimit të së mërkurës në Parlament, që pritet të mbështetet nga opozita.

Në një memo tre faqesh, dërguar autoriteteve të BE-së në fundjavë dhe që është marrë nga Financial Times, FMN-ja tha trazirat e fundit në ekonominë greke do të çonin borxhin për kulmin e 200 për qind të prodhimit ekonomik gjatë dy viteve të ardhshme. Në fillim të krizës së eurozonës, borxhi i Athinës ishte 127 për qind.

Memo, i përgatitur për liderët e BE-së përpara samitit në Greqi, argumenton se vetëm përmes lehtësimit të borxheve në shkallë të gjerë – që zyrtarët e eurozonës I kanë rezistuar me forcë – Greqia mund të shohë rënien e borxhit në nivele ku ajo do të jetë në gjendje të kthehet në tregjet financiare .