Gjermanët e “Rosen” do të furnizojnë me pajisje gazsjellësin TAP

Kompania gjermane “Rosen Group” do të furnizojë me pajisje që do të bëjnë të mundur procesin e parakomisionimit për kompaninë “Spiecapag”. Ky proces parashikon procesin e testimit të tubave të gazsjellësit. Ai realizohet me anë të një produkti që mund të jetë në gjendje të gaztë, të lëngët etj., dhe përmes tij matet aftësia transportuese e tubave.
Nga ana tjetër, kompania gjermane do të furnizojë edhe me pajisje gjurmimi si dhe aksesorë të tjerë të mundshëm.
Projekti TAP parashikon që të transportojë gaz në fazën e dytë të operimit të fushës së Shah Deniz në Azerbajxhan drejt Europës.
Në total, gazsjellësi do të jetë 870 km i gjatë.