Gjermeni: Bashkëpunimi rajonal i nevojshëm
![](https://24-ore.com/wp-content/uploads/2014/11/Ministrja-e-Zhvillimit-Urban-dhe-Turizmit-Eglantina-Gjermeni1-300x200.jpg)
Ministrja e Zhvillimit Urban dhe Turizmit, Eglantina Gjermeni, deklaroi të premten se bashkëpunimi rajonal është i nevojshëm për rritjen e mirëqënies.
E ftuar nderi ne takimin e II Rajonal te Unionit te Agjencive Turistike të Europes Juglindore që po mbahet në Tiranë, Gjermeni tha se një takim i tillë rajonal organizohet për herë të dytë në Shqipëri dhe ky bashkepunim rajonal është i nevojshem për rritjen e kontributit të turizmit në vendet e rajonit dhe veçanërisht për hapjen e vendeve të reja të punës. “Në vendet e Ballkanit Perëndimor turizmi konsiderohet si faktor kyc per vendin dhe ka vemendjen e qeverive përkatëse. Bashkëpunimi midis vendeve tona do të rrisë imazhin turistik të rajonit në nivel ndërkombëtar”, tha Gjermeni. Ajo theksoi se vlerëson kontributin e sektorit privat në zhvillimin e turizmit në Shqiperi. Konferenca me temë “Formimi i produktit turistik te Europës Juglindore me qëllim pjesëmarrjen e përbashket ne tregjet emetuese” mblodhi përfaqësues nga Mal i Zi, Kosova, Kroacia, Maqedonia dhe Shqiperia.