Gjilan, përurohet godina e Prokurorisë Themelore

Në Gjilan, qytetin më të madh në rajonin lindor të Kosovës, sot u përurua godina e re e Prokurorisë Themelore.

Gjatë ceremonisë ambasadori amerikan Greg Delawie tha se ndër prioritet e tij është forcimi i sundimit të ligjit në Kosovë.

“Shtetet e bashkuara përkrahin nismat që forcojnë kapacitetet e Kosovës për të ndërtuar sisteme ligjore për të ofruar drejtësi të drejtë, të paanshme dhe përgjegjëse.Siç edhe ju e dini tanimë, bashkëpunimi me Kosovën për të forcuar sundimin e ligjit është një nga prioritetet kryesore të mia si ambasador i SHBA-së në Kosovë. Duke punuar së bashku, ne mund të sigurojnë se Kosova është ligjore dhe sundimi i ligjit është në vend që arrin standardet më të larta ndërkombëtare”, tha Delawie.

Ministri i Drejtësisë, Hajredin Kuçi tha se “është koha që të kemi një drejtësi më funksionale dhe ta fitojmë besimin e plotë të qytetarëve në drejtësinë tonë”.

Ndrësa kryetari i Gjykatës Themelore në Gjilan, Jetish Maloku, tha se “godina e Prokurorisë është një mundësi e mirë për prokurorët dhe stafin që të tregojnë efikasitet në luftën kundër dukurive negative në shoqëri”.

Kryeprokurori i Shtetit, Aleksandër Lumnezi tha që ngritja e objektit të Prokurorisë në Gjilan dhe kushtet e mira në këtë Prokurori do të ndihmojnë që fuqishëm të përmbushen detyrat e prokurorëve për të luftuar dukurit negative, me të cilat përballet shteti i Kosovës.

Në ceremoninë e zhvilluar me këtë rast, ishin të pranishëm edhe kryeministri i Republikës së Kosovës, Isa Mustafa, ambasadori i Shteteve të Bashkuara të Amerikës në Kosovë, Greg Delawie, ministri i Drejtësisë, Hajredin Kuçi, ministri i Administratës Publike, Mahir Yagcillar, kryetari i Gjilanit, Lutfi Haziri, kryeprokurori i shtetit, Aleksandër Lumezi, kryeprokurori i Prokurorisë Themelore të Gjilanit, Jetish Maloku, e zyrtarë të tjerë institucionalë dhe qytetarë.