Godina e rikonstruktuar e Neurologjisë, Rama: Ky model do të aplikohet në të gjithë QSUT

Kryeministri Rama gjatë ditës së sotme ka vizituar godinën e godinën e rikonstruktuar të Shërbimit të Neurologjisë, në QSUT .

Gjatë vizitës së tj. Rama u shpreh se “ ky është një model i prekshëm për atë që mund dhe do të bejmë për sherbimin spitalor, ku çdo strukturë e spitalit  do të jetë si e njejte me kete model dhe kete lloj strukture qe ne po shohim “.

Kreu i qeverisë theksoi se godina e rikonsruktuar e neurologjise është bërë sipas  normave europiane, gjë që do të vazhdohet edhe në ambjentet e tjera të QSUT-së. Ndërkaq, Rama shtoi se “ky është një investim pa hile dhe sot , pranë këtyre ambjenteve dinjitoze është dita për të thënë që ja ku jemi, ja ku e kemi të prekshme punën që është bërë në QSUT.

Sipas Kryeministrit, përveç reformës strukturore do të ketë dhe reformim në administrimin e spitaleve, kjo do të mund të sigurojë autonomi pë spitalet. “Por siç do gjë që kërkon kohë, koha do të jetë më e shkurtër dhe reforma në shëndetësi do të kalojë administrimin nga duart e qeverisë në trupën e vetë mjekëve të spitalit”, tha ai.