Gruaja e sekserit Besim Nasufi: Burri im është i ndershëm, vajza e ngacmonte vetë
Pas arrestimit të Besim Nasufit, gruaja e tij, Bukurie Nasufi, u shfaq mbrëmë në emisionin “Fiks Fare” duke mbrojtur të shoqin.
Ajo tha se “unë i fus duart në zjarr për atë njeri. Nuk ka kërkuar marrëdhënie seksuale”.
Gjithashtu, ajo shton edhe disa fakte rreth mënyrës së largimit nga puna të bashkëshortit të saj. Në një kohë kur rektorati deklaroi se ka pushuar nga puna dy punonjësit e universitetit, rojën dhe një laborant, bashkëshortja e Besim Nasufit tregon se i shoqi ka dhënë dorëheqjen dhe nuk është pushuar.
“Burri im e ka dhënë vetë dorëheqjen sapo e ka thirrur dekani për këto gjëra. Ai i ka thënë dekanit ‘meqë qenka puna kështu unë po iki, ti ta gëzosh punën’”, tha Bukurie Nasufi.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.