Haradinaj flet me Mogherinin për reformat evropiane të Kosovës
Kryeministri i Kosovës, Ramush Haradinaj, ka takuar në Bruksel Përfaqësuesen e lartë të BE-së për politika të jashtme dhe siguri, Federica Mogherini.
Shefi kosovar i ekzekutivit ka treguar se me Mogherinin janë takuar para mbledhjes së dytë të Këshillit të Stabilizim-Asociimit.
“…biseduam për perspektivën dhe rrugën evropiane të Kosovës”, ka treguar Haradinaj në Facebook.
Ky është njoftimi i tij i plotë:
Para fillimit të takimit të dytë të Këshillit të Stabilizim Asociimit ndërmjet Kosovës dhe Bashkimit Evropian, me Përfaqësuesen e Lartë të BE-së për Punët e Jashtme dhe Politikën e Sigurisë, Federica Mogherini, biseduam për perspektivën dhe rrugën evropiane të Kosovës.
Me dinamikën e re të qeverisjes është përshpejtuar edhe procesi i përmbushjes së Agjendës së Reformave Evropiane dhe të kritereve të përcaktuara me Marrëveshjen e Stabilizim Asociimit.
Kosova është e përkushtuar për rrugën e saj për anëtarësim në Bashkimin Evropian.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.