Hollande pret partnerët evropianë socialdemokratë
Presidenti francez, François Hollande, priti sot në mëngjes në “Elysée” partënerët socialdemokratë evropianë për të përgatitur mbledhjen evropiane që do të zhvillohet në mesditë në Bruksel.
Hollande kërkon një zbutje të disiplinës buxhetore të BE-së nga kjo mbledhje ku çështjet kryesore do të jenë emërimi i shefit të ri të Diplomacisë, i presidentit të Këshillit Evropian, situata në Ukrainë, në Irak dhe në Gaza.
Tetë krerë të qeverive evropiane, mes të cilëve italiani Matteo Renzi, marrin pjesë në këtë mbledhje në “Elysée”.
Presidenti i Parlamentit evropian, Martin Schulz, dhe zëvendëskancelari gjerman, Sigmar Gabriel, janë gjithashtu të pranishëm.
Në përfundim të kësaj mbledhje ata do të shkojnë në Bruksel për zhvillimin e mbledhjes evropiane që do të fillojë pas takimeve paraprake tradicionale.
