Horoskopi për datën 30 shtator 2014

Dashi

Personat që janë çift do të kalojnë një atmosferë paqartësish me gënjeshtra, mashtrime, egoizëm dhe ndonjë tradhti. Beqarëve do t’u jepen mundësi të mira, por nuk do të dinë t’i shfrytëzojnë.

Demi

Personat e shenjës së Demit do të kenë një ditë tejet të ngjeshur sot, ku më së shumti do të dominojë lodhja prej punës dhe gënjeshtrat. Beqarët do të takojnë persona gënjeshtarë.

Binjakët

Personat e shenjës së Binjakëve do të ndihen të paaftë për të shprehur ndjenjat, të drejtat dhe idetë e tyre. Do të jeni pa humor dhe pa vullnet në gjithçka që do të bëni sot.

Gaforrja

Sqarime pa rezultat! Kjo do të jetë një periudhë grindjesh për personat e shenjës së Gaforres. Kritikat dhe thashethemet do të “mbysin” gjërat që dëshironi të bëni. Reflektoni sa më shpejt!

Luani

Do të merrni shumë kënaqësi sot dhe sidomos në dashuri, sepse lumturia dhe qetësia nuk do të mungojnë aspak. Sakrificat që keni bërë prej kohësh më në fund do t’ju shpërblehen.

Virgjëresha

Personat e shenjës së Virgjëreshës sot duhet të tregojnë shumë kujdes me sjelljen e tyre, duke qenë se do t’i karakterizojë një paqetësi në vetvete. Beqarët nuk do të dinë se çfarë të duan.

Peshorja

Rrezik për çiftet, sidomos për ato që kanë bashkë prej një kohe të gjatë: dashuria mund të zbehet, tërheqja seksuale po ashtu, ndërsa mërzitja do të kryesojë.

Akrepi

Zhgënjimi për diçka ka marrë dhe do të marrë gjithë përqendrimin tuaj. Në mundësitë dhe aftësitë tuaja do të dominojë mosbesimi.

Beqarët do të kalojnë një periudhë të vështirë prej mospremtimeve.

Shigjetari

Fat në dashuri dhe dashuri fatlume: njohje të reja, miqësi, takime të rëndësishme, lumturi dhe sidomos vepra që demonstrojnë më së miri dashurinë. Moment i mirë për të filluar projekte.

Bricjapi

Marrëdhënia e çifteve do të jetë pozitive dhe me konkretizime të bukura. Një shoqe e besuar do t’ju ndihmojë që të qëndroni në qendër të një situate dhe do të kaloni një moment të vështirë.

Ujori

Disa marrëdhënie do të “rriten” dhe do të maturohen, çifte të tjera do të krijohen me perspektiva të mira. Beqarët se shpejti do të kenë një dashuri të re dhe një jetë të lumtur.

Peshqit

E shkuara do t’ju “rrëmbejë” gjithë ditën sot, pavarësisht se ju do të doni të largoheni sa më shpejt nga ajo. Ndërsa beqarët do t’u rikthehen dashurive të vjetra, për një aventurë tjetër.