Incidenti ajror në Taivan, piloti fiku padashje motorin

Ka qenë një gabim amator i pilotit ai që më herët gjatë vitit çoi në një incident ajror në Taivan, me avionin që humbi kuotë, preku me një krah autostradën dhe përfundoi në një lumë.

Në këtë përfundim kanë arritur hetuesit e Entit rregullator të aviacionit në Taipei, sipas të cilëve piloti kishte fikur gabimit motorin në funksion, pasi kishte humbur fuqi.

Të paktën 43 persona humbën jetën kur avioni, lloji i të cilit mund të fluturojë vetëm me 1 motor, ra në lumë. Në kutitë e zeza të mjetit fluturues është gjetur një material audio ku piloti dëgjohet të thotë: “Mos, lëviza valvulën e gabuar”.

Gjithësesi, ky nuk është shkaku kryesor i incidentit. Të dhënat janë publikuar në kuadër të hetimit që autoritetet nisën disa ditë pas incidentit.

Nga materialet ka rezultuar se, kur piloti thotë frazën e sipërcituar, avioni ka qenë në 94 metra lartësi dhe duke fluturuar me një shpejtësi prej 105 nyje.

Avioni, që ishte nisur nga aeroporti i Taipeit, mbante në bord 58 pasagjerë dhe ekuipazhin kur u anoi në të djathtë, duke prekur me krahun e tij rrugën, për të rënë më pas në lumin që ndodhet aty pranë.

Autoritetet deklaruan më tej se një dokument zyrtar mbi incidentin, me shkaqet dhe rekomandimet do ta publikojnë në nëntor.