INSTAT: Në 2015, importi i makinerive, pajisjeve dhe pjesëve të këmbimit u rrit me 11 %

Importi i makinerive, pajisjeve dhe pjesëve të këmbimit arriti në 117.263 milionë lekë, në rritje me 11% krahasuar me vitin 2014, çka tregon një tendencë pozitive drejt rritjes së investimeve.

Përgjatë vitit 2014, sipas të dhënave të Institutit të Statistikave, u importuan 105.692 milionë lekë makineri, pajisje dhe pjesë këmbimi .

Referuar të dhënave të INSTAT-it, Italia dhe Kina ishin partnerët kryesore me volumin më të madh në vlerë të importit të kësaj kategorie.

Gjithsej nga Italia u importuan 28.098 milionë lekë makineri, pajisje dhe pjesë këmbimi, ndërsa nga Kina 18.832 milionë lekë.