INSTAT : Numri i aksidenteve rrugore u ul me 20% në janar

Numri i aksidenteve rrugore shënoi rënie në fillim të këtij viti. Instituti i Statistikave (INSTAT) raportoi se në muajin janar 2017 u numëruan 119 aksidente rrugore dhe në krahasim me të njëjtën periudhë të një viti më parë kjo shifër pësoi rënie me 20.1 %.

Sipas INSTAT numri i të aksidentuarve në janar 2017 është 158 persona nga 202 që ishte një vit më parë.

Ndërsa numri mesatar i personave të vdekur gjatë kësaj periudhe u llogarit në 22 dhe krahasuar me mesataren e personave të vdekur gjatë vitit 2016, ky numër është ulur me 1,8 %.

Aksidentet rrugore, në 83 % të rasteve, kanë ndodhur nga sjellja e drejtuesit të mjetit. Numri më i lartë i
aksidenteve (26,1 %) është kryer nga grup mosha 16 – 25 vjeç

Sipas INSTAT në Janar 2017 numri mesatar i të aksidentuarve (vdekur apo plagosur) për 100.000 banorë ishte 5 persona, krahasuar me mesataren e vitit 2016 ky numër u ul me 31,8 %.

Shkaqet më të shpeshta të aksidenteve rrugore janë : shtimi i qarkullimit të automjeteve në rrugët kryesore, tejkalimi i shpejtësisë, mosrespektimi i rregullave nga shoferët ashtu edhe nga këmbësorët, konsumi i alkoolit etj.