Irani dhe AIEA kanë avancuar në bisedimet për programin bërthamor

Irani dhe AIEA kanë bërë një hap të madh në hetimin për një dimension të mundshëm ushtarak të programit bërthamor të Teheranit, konfirmoi sot një zyrtar iranian pas vizitës në Teheran të një delagacioni të agjencisë së OKB-së.

Kjo vizitë prej 24 orësh ndodhi disa orë pas asaj të kreut të Agjencisë Ndërkombëtare të energjisë atomike, Yukiya Amano, në përpjekje për të avancuar për një marrëveshje bashkëpunimi të arritur në nëntor 2013 për verifikimin e aktiviteteve bërthamore të dyshuara të Iranit në të shkuarën.

“Irani dhe AIEA kanë bërë një hap të madh për zgjidhjen e çështjeve të lëna pezull me qëllim për të arritur në një marrëveshje themelore mbi këto çështje dhe kalendarin për një bashkëpunim”, konfirmoi zëdhënësi i Organizatës iraniane të Energjisë Atomike (OIEA), Behrouz Kamalvandi, cituar nga agjencia zyrtare Irna.

”Ministrat e vendeve të grupit 5+1 dhe Iranit, mbedhur dje në Vjenë, duhet të zgjidhin çështjet e fundit të vështira për të mundësuar një marrëveshje për programin bërthamor iranian këtë javë”, deklaroi një zyrtar iranian.

“Tre muaj më parë kishte ende shumë çështje të pazgjidhura lidhur me programin bërthamor (…) apo heqjen e sanksioneve, por sot mbetet vetëm një numër shumë i vogël çështjesh që duhen zgjidhur nga ministrat”, deklaroi zyrtari nën kushtet e anonimatit duke i cilësuar çështje të vështira./