ISIS kërcënon me vdekje dy pengje japoneze: Duam 200 mln $ t’i lirojmë

ISIS ka publikuar një video të re në ueb, ku kërcënon se do të vrasë dy pengje japoneze nëse nuk do të paguhet një “gjobë” prej 200 milionë dollarësh brenda 3 ditëve. Videoja e shpërndarë ‘on line’, është postuar në disa adresa interneti pranë grupit terrorist.

Pengjet quhen Kenji Goto Jogo dhe Haruna Yukava. Goto është një gazetar i pavarur, siç lexohet në profilin e tij në “Twitter” dhe në të shkuarën ka ndjekur ngjarje të lidhura ne luftën në Siri.

Kryeministri i Japonisë, ka vendosur të kthehet më shpejt nga ç’ishte parashikuar në atdhe pas publikimit të imazheve. Abe ndodhej në Lindjen e Mesme për një vizitë zyrtare.

Ndërkohë, nuk ndalojnë masakrat të kryera nga Shteti Islamik. 13 fëmijë (mosha nuk bëhet e ditur), janë vrarë publikisht në Irak, sepse po shikonin  një ndeshje të kombëtares së tyre kundër Jordanisë në kuadër të Kupës së Azisë.

Vrasjet kanë ndodhur në 12 janar, por lajmi u mësua vetëm sot. Fëmijët janë kapur nga xhihadistët në Mosul, qytet në Irak i kontrolluar nga ISIS dhe pastaj janë ekzekutuar me armë zjarri, sepse po shikonin ndeshje futbolli, duke thyer kështu ligjet e Sharias.