John Kerry në një vizitë të papritur në Pakistan

Shefi i diplomacisë amerikane, John Kerry mbërriti sot në Pakistan në një vizitë të papritur që parashikon rritjen e bashkëpunimit antiterrorist mes Uashingtonit dhe Islamabadid, veçanërisht pas sulmit taleban që shkaktoi 150 të vdekur muajin e kaluar në një shkollë të Peshauarit.

“Diskutimet e sekretarit amerikan të Shtetit do të jenë shumë të rëndësishme për të avancuar në luftën kundër luftëtarëve ekstremistë”, deklaroi një zyrtar i lartë i Deparatamentit të Shtetit duke shtuar se Kerry do të drejtojë bisedimet strategjike mes dy vendeve.

Pakiustani dhe SHBA-ja kanë marrëdhënie të trazuara pasi zyrtarët në Uashington kanë akuzuar në të kaluarën Islamabadin për lojë të dyfishtë në luftën kundër terrorizmit.