Kadri Veseli me ambasadorët e BE-së: Kosova nuk do ta izolojë veten
Kryeparlamentari Kadri Veseli ka thënë pas takimit me ambasadorët e vendeve të BE-së, se Kosova sodo të përfundojë çështjen e demarkacionit, për të mos e bllokuar perspektiven e qytetarëve të saj për liberalizim vizash dhe integrime të tjera.
Ai tha se takimi i sotëm me ambasadorët është edhe një konfirmim se Bashkimi Evropian ka agjendë të qartë për Kosovën në proceset integruese dhe nuk do ta izolojë. Edhe ne nuk do të ndalemi për teke personale apo politike të dikujt, por do të ecim përpara, ka thënë ai.
Në njoftimin e dërguar tregohet se Veseli ka filluar takimin sot me diplomatët në orën 09:00. Mbrëmë ka përfunduar seanca maratonike e Kuvendit të Kosovës ku në rend dite ishte ratifikimi i Projektligjit të Demarkacionit me Malin e Zi, kurse votimi për këtë dokument do të bëhet sot në orën 11:00. Pas mbylljes së debatit parlamentar lidhur me këtë marrëveshje kryetari i Kuvendit, Kadri Veseli, ka mbyllur seancën duke caktuar vazhdimin e saj për të mërkurën në orën 11:00, ku do të votohet për këtë Projektligj, pasi në sallë ishin të pranishëm vetëm 69 deputetë, kurse për votimin e këtij dokumenti nevojiten 2/3 e votave të 120 deputetëve të Kuvendit. Seanca, e cila nisi të martën në orën 16:00, ka përfunduar pas rreth nëntë orë debati parlamentar, ku pothuajse të gjithë deputetët e Kuvendit shprehën mendimet e tyre rreth kësaj teme.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.