Kalimi i semaforit me të kuqe, gjobë 20-30 mijë lekë, rastet kur hiqet patenta

Komisioni i Ligjeve propozoi sot të ulet nga 40 mijë në 30 mijë lekë masën maksimale të gjobës nëse kalohet semafori i kuq.

Relatori i Kodit Rrugor, Vexhi Muçmata propozoi sot dy amendamente në variantin e ardhur nga Ministria e Brendshme.

“Drejtuesi i mjetit që vazhdon lëvizjen ndonëse sinjalizimi i semaforit, ose i policit të trafikut e ndalojnë këtë lëvizje, ndëshkohet me masë administrative me gjobë nga 20 mijë lekë deri në 30 mijë lekë”, thuhet në propozimin, sipas nenit 140 të Kodit.

Ndërsa për heqjen e patentës parashikohet që “Cilido drejtues mjeti që që përsërit brenda dy viteve me shumë se dy herë shkeljen e parashikuar në pikën 3 (kalimin me të kuqe) përveç masës së gjobës të parashikuar në këtë pikë, ndaj tij merret dhe masa administrative e pezullimit të lejes së drejtimit nga nëntë muaj deri në 12 muaj”.