“Kanabisi”, Tahiri i përgjigjet Manjanit: Punën e vlerëson Rama

Ministri i Brendshëm Saimir Tahiri ka reaguar ndaj deklaratës së ministrit të Drejtësisë Ylli Manjani lidhur me situatën e kanabisit në vend.

Në konferencën me homologun austriak, Wolfgang Sobotka, i pyetur pwr komenentet e Ylli Manjanit, Tahiri u përgjigj se “unë nuk jam komentator, jam Ministër dhe kam detyrimin të bëj punën time më mirë për një Shqipëri më të drejtë, më të sigurtë dhe më të zhvilluar. Nuk kam dëshirë të komentoj komentet, aq më pak kur komentet janë nga një koleg tjetër i imi, i cili po si unë ka detyrën të bëjë sa më mirë detyrën. Punën tonë e vlerëson Kryeministri dhe mbi të gjitha e vlerëson dhe e gjykon publiku dhe qytetarët të cilët me plot të drejtë presin sa më pak fjalë dhe sa më shumë punë”.

Ai shtoi se “ajo që kemi bërë në luftën kundër drogës bashkë me partnerët është prioritet maksimal i yni dhe Shqipëria do vazhdojë të bëjë akoma më shumë për një Shqipëri të denjë për shqiptarët”.