Kili, i jepet “drita jeshile” dekriminalizimit të marijuanës

Ligjvënësit në Kili i dhanë “dritën jeshile” projektligjit, që lejon vendasit të kultivojnë marijuanë në sasi të vogla për qëllime mjekësore, shlodhjeje apo edhe shpirtërore.

Sipas kësaj skeme, çdo shtëpi kiliane mund të rrisë deri në 6 bimë kanabisi. Deri më sot, mbjellja, shitja dhe transportimi i marijuanës në këtë vend dënohej deri në 15 vite heqje lirie.

Masa ka marrë miratimin e Dhomës së Ulët të Kongresit e do t’i paraqitet një komisioni shëndetësie, përpara se të dërgohet për miratim në Senat.