Klima e biznesit në Shqipëri, Departamenti i shtetit publikon raportin

Sfidat për investitorët e huaj janë të mëdha theksohet në raport ku më shqetësues përmendet korrupsioni përfshirë sistemin gjyqësor, prokurimet publike, konkurrenca e pandershme, ekonomia informale dhe ndryshimet e shpeshta të sistemit të ligjeve.

“Analizat e dobëta kosto-përfitim dhe mungesa e ekspertizës teknike në hartimin dhe monitorimin e kontratave PPP janë shqetësime të vazhdueshme. Investitorët amerikanë sfidohen nga korrupsioni dhe përjetësimi i praktikave joformale të biznesit. Disa investitorë amerikanë janë përballur me mosmarrëveshje tregtare të diskutueshme me entitete publike dhe private, dhe disa shkuan në arbitrazh ndërkombëtar.”

Shqetësim mbetet edhe ccështja e pronësisë thuhet ndër të tjera në raport, ku sipas tij mbivendosja e titujve të pronësisë është një problem dhe një sfidë serioze për vendin.

në raport thuhet se dhuna politike është e rrallë por në rastet më të fundit përmendet pa emër kreu i pd sali berisha në përpjekjen sic thuhet të një ish lideri të shpallur non grata për korrupsion për të sulmuar zyrat e partisë në janar

Departamenti Amerikan i Shtetit nuk lë pa përmendur as sistemin e drejtësisë. Ai vlerëson se zbatimi i reformës në drejtësi është duke u zhvilluar, mbështetur jo vetëm nga Shtetet e Bashkuara por edhe BE dhe shton se duhet të tregojë progres pasi kjo të përmirësojë ndjeshëm klimën e të bërit biznes në vend.

Ndër të tjera, rezerva DASH ka edhe për dixhitalizimin e shërbimeve publike. Megjithëse mbi 95% e tyre kanë kaluar në online përmes portalit e-Albania si një mënyrë për të ulur mundësitë për korrupsion, sërish Shqipëria vazhdon të renditet ulët në Indeksin Global të Inovacionit, në vend të 84 nga 132 vende.

Por, DASH vlerëson se si një vend në zhvillim, Shqipëria ofron një potencial të pashfrytëzuar për investime në shumë sektorë, duke përfshirë energjinë, turizmin, kujdesin shëndetësor, bujqësinë, naftën dhe minierat, dhe teknologjinë e informacionit.