Komisioni i Jashtëm vijon sot seancat dëgjimore me kandidatë për ambasadorë

Komisioni parlamentar i Politikës së Jashtme zhvillon sot seanca dëgjimore me dy kandidatë për ambasadorë, në vijim të procesit të emërimeve të reja në selitë diplomatike të Republikës së Shqipërisë në botë.
Në seancën e sotme do të jenë të pranishëm Sami Shiba, kandidat për ambasador i
Republikës së Shqipërisë në Mbretërinë e Arabisë Saudite, rezident, si dhe ambasador
jorezident, në Mbretërinë e Bahreinit, në Sulltanatin e Omanit dhe në Republikën e Jemenit.
Gjithashtu, i pranishëm në komision do të jetë dhe Arben Gazioni, kandidat për ambasador në Federatën Ruse, rezident, si dhe ambasador jorezident në Republikën e Bjellorusisë, të Kazakistanit, si dhe në Republikën e Uzbekistanit.
Pak javë më parë, komisioni i Jashtëm nuk dha pëlqimin për dy kandidatura të propozuara nga Ministria e Jashtme per ambasadorë në Spanjë dhe Katar.