Komunikaconi në Maqedoni po zhvillohet në kushte dimërore

Komunikacioni në të gjitha rrugët e shtetit po zhvillohet në kushte dimërore, nëpër rrugë të lagështa dhe me mbetje të borës nëpër rrugë, pas intervenimit të ekipeve nga “Rrugët e Maqedonisë”. Shi i dobët bie nëpër tërë Maqedoninë, derisa borë me intensitet të dobët bie në Kodrën e Diellit, Strazhë, Mavrovë dhe Bukovë, informon Lidhja Auto-Moto e Maqedonisë (LAMM) në raportin e pasdites për gjendjen e rrugëve, përcjell Telegrafi Maqedoni.

Ende është i pakalueshëm drejtimi rrugor Makedonski Brod – fshati Zdunje, në të cilin gravitojnë 11 fshatra. Atje komunikacioni është në ndërprerje për të gjitha llojet e automjeteve nga ora shtatë e mëngjesit.

LAMM rekomandon kujdes në drejtimin e automjetit, shpejtësi të përshtatur të lëvizjes dhe respektim të sinjalizimit të vendosur rrugor. Në grykat malore është e mundur paraqitja e shembjeve të vogla, veçanërisht në akset rrugore: Koçan – Makedonska Kamenicë – Delçevë, Vinicë-Berovë, Gostivar-Strazhë, Mavrovë-Dibër-Strugë, Demir Kapi-Udovë, Katlanovë-Veles, Krushevë-Demir Hisar dhe Resnje -Bukovë.

Në fuqi është obligimi ligjor për posedimin e pajisjeve dimërore në automjet.