Konfliktet dhe fatkeqësitë natyrore në 2015, kanë zhvendosur 27.8 milion njerëz

Këshilli Norvegjez për Refugjatët ka paralajmëruar se ky numër është i barabartë me popullsinë e përgjithshme të New Yorkut, Londrës, Parisit dhe Kajros, dhe se vitin e kaluar mesatarisht në ditë 66 mijë persona janë zhvendosur.

Për shkak të konflikteve të armatosura dhe katastrofave natyrore gjatë vitit të kaluar në mbarë botën janë zhvendosur 27.8 milion njerëz, sipas Këshillit Norvegjez për Refugjatët, ku e konsideron këtë fenomen si krizë globale.

Këshilli Norvegjez për Refugjatët ka paralajmëruar se ky numër është i barabartë me popullsinë e përgjithshme të New Yorkut, Londrës, Parisit dhe Kajros, dhe se vitin e kaluar mesatarisht në ditë 66 mijë persona janë zhvendosur.

Në raport theksohet se vitin e kaluar për shkak të konflikteve, zhvendosje të brendshme kanë përjetuar 8.6 milion njerëz, prej të cilëve më shumë se gjysma në Siri, Jemen dhe Irak.

Gjithashtu theksohet se një e katërta e totalit, ose 2.2 milion njerëz janë zhvendosur vetëm në Jemen, që është 20 herë më shumë se në vitin 2014.