Kontributi i industrisë së turizmit në PBB do të rritet 17 miliardë lekë në 2016

Këshilli Botëror i Udhëtimeve dhe Turizmit (WTTC) vlerëson që kontributi i industrisë së turizmit në Prodhimin e Brendshëm Bruto do të rritet 17 miliard elekë në 2016.

Kjo u bë e ditur nga ministrja e Zhvillimit Ekonomik, Turizmit, Tregtisë dhe Sipërmarrjes, Milva Ekonomi, përmes një postimi në rrjetin social ‘Twitter’. Sipas saj, kontributi i industrisë së turizmit në Prodhimin e Brendshëm Bruto pritet të arrijë në fund të këtij vitit në 323 miliarde lekë, nga 306 miliarde lekë që ishte në 2015.

Këshilli Botëror i Udhëtimeve dhe Turizmit (WTTC) është autoriteti global që mat kontributin ekonomik dhe social të udhëtimeve dhe turizmit. WTTC nxit rritjen e qëndrueshme për sektorin, duke punuar me qeveritë dhe institucionet ndërkombëtare për të krijuar vende pune, për të nxitur eksportet dhe për të gjeneruar prosperitet.