Korçë, bllokohet sasia e heroinës, 18 të arrestuar

Një operacion antidrogë është zhvilluar paraditen e kësaj të premteje në qytetin e Korçës, ku janë arrestuar të paktën 18 persona dhe është konfiskuar një sasi heroine.

Burime policore lokale bëjnë me dije se operacioni është zhvilluar në afërsi të shkollës “Demokracia” të qytetit juglindor.

Për momentin ende nuk dihet sasia e heroinës së konfiskuar dhe identietet e personave të arrestuar.

Operacioni i policisë ishte i koduar me emrin “konvikti”, pasi në ndërtesën ku u gjet heroina jetojnë familje të pastreha.