Koreja Veriore kërcënon Jugun dhe SHBA-në

Dy raketa me rreze të shkurtër në bregun lindor janë hedhur nga Koreja e Veriut vetëm pak orë para se të nisnin stërvitjet e përvitshme ushtarake midis Koresë së Jugut dhe Shteteve të Bashkuara.

Kim Min-seok, zëdhënës në Ministrinë e Mbrojtjes së Koresë Jugore këtë veprim të Koresë Veriore e ka quajtur provokim.
Phenjani ka thënë më herët se stërvitjet ushtarake të Jugut dhe SHBA-së janë përgatitje për luftë.

Kombet e Bashkuara kanë ndërmarrë sanksione që i ndalojnë Koresë Veriore përdorimin e raketave balistike, raportojnë mediat.