Korrupsioni, shtyhet gjyqi ndaj gjyqtares Majlinda Andrea

Është shtyrë për në 17 janar procesi ndaj gjyqtares Majlinda Andrea dhe të pandehurve të tjerë.

Kjo gjyqtare akuzohet për korrupsion pasiv, që ka në qendër pagimin e 50 mijë eurove për një verdikt gjyqësor për 40 hektarë tokë në Butrint.

Gjyqtarja Andrea dhe 3 të pandehurit e tjerë kanë kërkuar gjykim të shkurtuar, ndërsa bashkëshorti i gjyqtares, Odise Andrea, ka kërkuar proces gjyqësor normal.

Kolegji kërkoi kohë për t’u shprehur nëse do të ndahet dosja e Odise Andreas nga 4 të pandehurit e tjerë.