Kosova nënshkruan marrëveshje me USAID-in në vlerë prej 1.6 mln dollarë

Osmani pas nënshkrimit të marrëveshjes, tha se kjo e fuqizon përkushtimin e Shteteve të Bashkuara karshi Kosovës.

“Jam e lumtur që në praninë e tyre kemi nënshkruar amendamenti marrëveshje mes Kosovës e SHBA-së. Marrëveshja e nënshkruar nënkupton që përfiton 1.6 milion dollarë. Kjo marrëveshje synohet shërbimi më i mirë për qytetarët dhe gjithëpërfshirja demokratike. Kjo marrëveshje nënkupton shumë më shumë përtej përfitimeve materiale nënkupton përkushtimin e SHBA-së për të garantuar zhvillimin e qëndrueshëm të vendit tonë”, tha Osmani.

Ndërsa ambasadori amerikan, Philip Kosnett, tha se me këtë marrëveshje nënkupton që institucionet të rrisin partneritetin me mediet dhe opozitën.

“Ne duam që Kosova të jetë një vend i vetëmjaftueshëm dhe tani do të ju shpjegoj përmes tri pikave se si e kuptojmë këtë. I pari aspekt nënkuptojmë një lidership që vjen nga Qeveria e Kosovës. Të përkufizojë qëllimet e saj dhe të përcaktojë agjendën e saj të zhvillimit. Këto resurse nuk janë të përhershme. Vetëmjaftueshmëria nënkupton po ashtu partneritet me mediat, diasporën edhe me vetë opozitën. Nënkupton gjithpërfshirjen sidomos të zërave që ndihen më pak, si gratë e të fëmijëve. Duhet të ketë mundësi të barabarta për jetesë. Korrupsioni dhe papunësia janë shqetësime të përhershme të qytetarëve. Mirëpres mundësinë për të punuar me Osmanin, Kurtin dhe të gjithë ministrat e tjerë që të përfshijmë të gjithë zërat e Kosovës”.