Kosovë-Gjermani, partneritetit në fushën e arkeologjisë

Zëvendësministri kosovar i Kulturës, Rexhep Hoti, pritur në takim prof. dr. Friedrich Lüth, Drejtor për Çështje të Trashëgimisë Kulturore në Institutit e Arkeologjisë të Gjermanisë (DAI – Deutsches Archäologisches Institut) me bashkëpunëtorët e tij.

Qëllimi i vizitës së prof. Lüth dhe temë diskutimi e takimit ishte vlerësimi i bashkëpunimit të deritashëm dhe thellimi i tij në kuadër të partneritetit mes Kosovës dhe Gjermanisë në fushën e arkeologjisë.

Zëvendësministri Hoti u njoh nga dr. Lüth për arritjet e deritanishme në fushën e bashkëpunimit të arkeologjisë me theks të veçantë, në lokalitetin antik të Ulpianës, ku në vitin e fundit ka pasur përparime të dukshme. Gjithashtu, profesori gjerman e informoi Hotin se po e përgatit raportin e punës 2009 – 2012 për bashkëpunimin që kanë pasur me Institutin e Arkeologjisë të Kosovës, pasi në këtë drejtim ka qenë e nënshkruar edhe një memorandum për bashkëpunim në vitin 2009.

Ndër të tjera, profesori i arkeologjisë kërkoi gjithashtu që të avancohet edhe më shumë bashkëpunimi edhe me popullatën, sidomos në vendet ku janë monumentet arkeologjike në mënyrë që të mos ketë pengesë në mbarëvajtjen e gërmimeve arkeologjike.