Kremlini mirëpret armëpushimin SHBA- Izrael – Iran

Kremlini ka mirëpritur armëpushimin dyjavor të rënë dakord në konfliktin mes Iranit dhe Shteteve të Bashkuara të Amerikës.

Sipas agjencisë shtetërore ruse TASS, zëdhënësi i Kremlinit, Dmitry Peskov, deklaroi sot se ”Moska e mirë pret vendimin për të mos ndjekur më rrugën e përshkallëzimit ushtarak”.

“Është shumë e rëndësishme që të mos ketë sulme ndaj objektivave civile dhe ekonomike në Iran”, theksoi ai .

Ndërkohë, Rusia po zhvillon një luftë shkatërruese kundër Ukrainës prej më shumë se katër vitesh. Gjatë kësaj periudhe, ushtria ruse ka goditur në mënyrë sistematike furnizimin energjetik të Ukrainës, duke detyruar miliona civilë të përballen gjatë dimrit me mungesë të energjisë elektrike, ngrohjes dhe ujit.

Presidenti ukrainas, Volodymyr Zelensky, i ka ofruar Moskës disa herë kohët e fundit një armëpushim.

Peskov shtoi se Moska shpreson që negociatorët amerikanë të kenë më shumë kohë dhe mundësi për takime në një format trepalësh në të ardhmen e afërt.

Së fundmi, delegacionet e Rusisë dhe Ukrainës kanë zhvilluar bisedime të drejtpërdrejta në Emiratet e Bashkuara Arabe dhe Zvicër, megjithëse pa rezultate konkrete. Shtetet e Bashkuara të Amerikës kanë marrë pjesë si ndërmjetëse, por lufta në Iran bëri që këto negociata të ndërpriten përkohësisht./  /Ad.Ab./  a.jor.