Kreu i Apelit: Nuk ndikohemi nga presioni

Kryetari i Gjykatës së Apelit në Tiranë, Hysni Demiraj, në një bashkëbisedim me gazetarët ka deklaruar se kjo gjykatë nuk do të ndikohet nga presionet e shfaqura në deklaratat e ditëve të fundit.

Referuar apelimit të vendimit për pezullimin e drejtorit të policisë, kreu i Apelit ka bërë publikë emrin e gjyqtares, ndërsa ka garantuar se Pushteti Gjyqësor është pushteti i fundit që mund t’i bëjë keq shqiptarëve.

“I keni parë në media presionet ndaj Gjyqësorit, por kjo gjykatë lidhur me profesionalizmin jep garanci që nuk ndikohet nga këto lloj presionesh. Ne mbetemi pushteti më pak i rrezikshëm në territorin e Republikës së Shqipërisë. Cështja e drejtorit të përgjithshëm të Policisë së Shtetit ka ardhur në gjykatën e Apelit sot. Cështjen ka për ta gjykuar gjyqtarja Marie Qirjzi, sepse ka mbaruar shkronjë “P””, është shprehur Kryetari i Gjykatës së Apelit në Tiranë, Hysni Demiraj.