Kreu i komunës së Prishtinës Ahmeti takon shefin e zyrës së Sllovakisë

Kryetari i Komunës së Prishtinës, Shpend Ahmeti priti sot në takim shefin e misionit të zyrës ndërlidhëse të Republikës Sllovake në Kosovë, Ľubomir Batáry.

Kryetari Ahmeti i uroi mirëseardhjen Batáry, si dhe u shpreh i gatshëm për bashkëpunim në fusha që janë me interes të përgjithshëm.

Ai po ashtu e njohui Batáry lidhur me sfidat me të cilat ballafaqohet qeverisja komunale, si dhe projektet e shumta që janë të planifikuara me qëllim të përmirësimit të jetës së qytetarëve.

Njëkohësisht, e informoi Batáry lidhur me reformat në administratën publike, arsim, shëndetësi si dhe për reformimin e transportit publik.

Gjithashtu, në këtë takim u diskutua edhe për zhvillimet aktuale politike në vend, sfidat si dhe alternativat për tejkalimin e tyre.