Kryeministri Mustafa raporton nesër para deputetëve për marrëveshjet e arritura në Bruksel

Kryesia e Kuvendit të Kosovës ka caktuar për nesër seancën e Kuvendit me vetëm një pikë të rendit të ditës, raportimin e kryeministrit të Kosovës, Isa Mustafa, lidhur me marrëveshjet e arritura në Bruksel.

Këto marrëveshje po kundërshtohen nga opozita, e cila ka nisur edhe një peticion. Ndërkohë, seanca e së enjtes së kaluar është ndërprerë në momentin që kryesuesi i seancës, Sabri Hamiti,  kërkoi votim për t’u shtyrë raportimi i kryeministrit Mustafa.

Kjo pasi opozita kërkonte që kryeministri Mustafa të raportonte atë ditë,  duke bllokuar kështu edhe vazhdimin e seancës.