Kryeministri Vuçiç mbërrin në aeroportin “Nënë Tereza”
Kryeministri i Serbisë Aleksandër Vuçiç mbërriti në aeroportin “Nënë Tereza” të Tiranës rreth orës 10.55 minuta. Kjo është e para vizitë zyrtare e një kryetari qeverie të Serbisë në kryeqytetin shqiptar. Shefi i qeverisë serbe dhe delegacioni që e shoqëron do të pritet nga Kryeministri Rama me një ceremoni zyrtare në Pallatin e Brigadave, rreth orës 11.30 minuta.
Policia ka shtuar masat e sigurisë për të garantuar mbarëvajtjen e kësaj vizite duke angazhuar të forca të shumta, Gardën e Republikës dhe Ushtrinë për të monitoruar kryeqytetin nga ajri.
Policia ka njoftuar se gjatë këtyre dy ditëve do të ketë kufizim si dhe bllokim të disa akseve në kryeqytet, ku nuk do të lejohet as parkimi. Gjatë vizitës në Tiranë, Vučić do të takohet edhe me Presidentin Bujar Nishani, Kryeparlamentarin Ilir Meta dhe Kryetarin e Bashkisë së Tiranës, Lulzim Basha
