Kumbaro takon artistët, jam gati të pres një propozim të një modeli
Në kulmin e debatit mes artistëve dhe Ministrisë së Kulturës, Ministrja Mirela Kumbaro takoi dje në mbrëmje përfaqësues të shoqatës Skena e Pavarur.
“Shqetësimi i artistëve është që ata nuk kanë asgjë në dorë, pasi çdo gjë bëhet sipas sistemit vertikal, ku drejtorin e emëron kryeministri. Nuk është fare e natyrshme, që bordi i një teatri, apo bordi i një institucioni publik, të emërohet sipas një skeme vertikale. Duhet të përmirësohet ligji, me qëllim që artistët të kenë tagër në vendimmarrje, të kenë mazhorancën, jo minorancën”, u shpreh Gjergj Prevazi
“Jam gati të pres një propozim të një modeli, që funksionon, që edhe të mos bëjmë eksperimente”, tha ministrja Kumbaro.
Artistët kërkuan kohë për të dalë mbi një model konkret, të cilin do ta propozojnë në takimin e radhës me ministren.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.