Kurti nuk shkon te Thaçi për takim, jep arsyet e refuzimit

Kryeministri Albin Kurti nuk do të shkojë në takim te Presidenti Hashim Thaci. Kurti ka thënë se si kryetari i Lëvizjes Vetëvendosje nuk ka interesim ta takojë Thaçin, ndërsa si Kryeministër do ta takojë atë kur t’i kryen takimet me kryetarë të partive.

Kurti e refuzon ftesën e Presidentit Thaci, i cili e ka ftuar atë në cilësinë e kryetarit të Lëvizjës Vetvëendojses, e jo si kryeministër të vendit.

Zyra për Media e LVV’së, e ka konfirmuar për Gazetën Express se Kurti nuk do të shkojë në takimin që Thaci e ka planifikuar ta mbajë në 13:30.

Kryeministri Kurti ka thënë sot se Presidenti Thaci është dashur të shkonte në seancën ku foli e mbijetuara e dhunës seksuale në luftë, Vasfije Krasniqi “e jo të mbajë takime të ndara, për të përcarë”.

Kurti ka thënë se si kryetari i Lëvizjes Vetëvendosje nuk ka interesim ta takojë Thaçin, ndërsa si Kryeministër do ta takojë atë kur t’i kryen takimet me kryetarë të partive.

Kurti e ka ftuar dy herë gjatë një muaji presidentin Thaci për takime, por ai nuk është përgjigjur.

Ndërkohë Zyra e Thaçit ka deklaruar për Televizionin T7 se takimi është anuluar pak para orës 13:00.

“Po, sot ka qenë i konfirmuar edhe takimi me kryeministrin Kurti, njëherësh lider i Vetëvendosjes. Ky takim është anuluar vetëm pak minuta para orës 13:00”, thuhet në përgjigjen e Zyrës së Presidentit.