Kuvendi diskuton sot marrëveshjen për Programin “ERASMUS”

Kuvendi mblidhet sot në seancën plenare të radhës, e dyta për sesionin e ri parlamentar të nisur më 1 shtator, ndërsa opozita pritet të bojkotojë punimet, duke respektuar vendimin politik të marrë që në korrik.
Rendi i ditës i punimeve parashikon diskutimin e p/ligjit “Për akreditimin e organeve të vlerësimit të konformitetit në Republikën e Shqipërisë”, si dhe ratifikimin e marrëveshjes, ndërmjet palës shqiptare dhe Bashkimit Europian, për pjesëmarrjen e Republikës së Shqipërisë në Programin “ERASMUS +”, për arsimin, trajnimin, rininë dhe sportin’.