Përfaqësuesi Special i BE-së për dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajčák, falenderoi sot nëpërmjet një postimi në llogarinë e tij në Twitter, kryeministrin shqiptar, Edi Rama, për mbështetjen e këtij të fundit dhe vendit të tij në këtë proces të rëndësishëm ballkanik.
“E falënderova kryeministrin Edi Rama për mbështetjen e vazhdueshme konstruktive që Shqipëria po tregon ndaj këtij dialogu të udhëhequr nga Europa. Shqipëria ka luajtur dhe po luan një rol të rëndësishëm në forcimin e besimit midis aktorëve të këtij procesi në rajon”, theksoi Lajčák.
“Vetëm një proces i koordinuar do të çojë në një normalizim gjithëpërfshirës të marrëveshjes”, shtoi ai.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.