Lajm i mirë për shqiptarët, Ahmetaj: Fshihen gjobat dhe kamatëvonesat para 2010-ës
Qeveria miratoi draftin që fal borxhet e biznesit në tatime dhe dogana. Ministri i Financave, Arben Ahmetaj listoi se kush janë përfituesit kryesorë të ligjit.
“Falen plotësisht të gjitha detyrimet dhe gjobat para vitit 2010. Falen gjobat dhe kamatëvonesat për periudhën 2011-2014, nëse paguhet detyrimi tatimor”, tha Ahmetaj.
Por, drafti fal borxhet edhe për një kategori individësh, që burojnë nga taksat e papaguara të automjeteve: “Të gjitha automjetet që nuk kanë kryer veprime para vitit 2011, çregjistrohen dhe falen detyrimet”.
Sipas Ahmetajt, falja e borxheve vjen pas aksionit kundër informalitetit dhe synon vendosjen e një marrëdhënieje të re me biznesin.
Në mbledhjen e së mërkurës, qeveria miratoi edhe vendimin që rrit me 3% të gjitha pensionet, duke filluar nga data 1 mars.
