“Legalizimi i kanabisit”, Tahiri: Asnjë rrënjë mbi tokë nuk do lejohet të furnizojë tregun kriminal të drogës

Ministri i Brendshëm Saimir Tahiri ka hedhur poshtë publikisht propozimin e deputetit të Partisë Socialiste Koço Kokëdhima për legalizimin e kanabisit në Shqipëri.

Gjatë fjalës së tij në ceremoninë e diplomimit të 500 studentëve të policisë Tahiri theksoi se nuk do të lejohet kultivimi i kanabisit në Shqipëri dhe se çdo rrënjë e tij e mbjellë deri tani do të shkulet.