“Në jemi për taksa të ulta”, ka deklaruar sot kryetari i Partisë Demokratike, Lulzim Basha në takimin me biznesin prodhues në autostradën Tiranë-Durrës.
Basha u shpreh se sektori i biznesit ndodhet në luftë për mbijetesë. “Po mbytet nga politikat e gabuara të kësaj qeverie. Kemi klimën më të keqe të biznesit në Europë”, tha ai.
“Për mua, një biznes i çliruar është vizioni për një biznes të suksesshëm. Ju duhet një qeveri që nuk ua bën jetën më të vështirë por më të lehtë. Ne jemi për taksa më të ulëta dhe ulje të korrupsionit. Ky është në themel të vizionit tonë po tregohemi me gisht si si qendra e krimit dhe drogës, ne do të punojmë që të tregohemi si qendra e suksesit të ekonomisë dhe biznesit”, theksoi ai
Po ashtu Basha shtoi se “Ne duhet të largojmë sistemin feudal ku sukses ka ai që njeh dikë. Kemi ekonomi të kontrolluar dhe gjithë pasuria kontrollohet nga një grup. T’i japim fund ekonomisë së patronazhit. E kanë ndarë ekonominë në dhjetë pjesë dhe kontrollohen nga 10 padronë. Ne jemi për taksën e sheshtë”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.