Librazhd- Panariti: 400 fermerë do të përfitojnë subvencione në qark

Ministri i Bujqësisë, Edmond Panariti, inspektoi sot nje vreshtari në fshatin Togëz të Librazhdit, e cila është subvencionuar nga shteti.

Sipas tij, “skema e subvencioneve nuk është ende në nivelin e duhur, por vit pas viti fondet po shtohen”. Ai tha se për këtë vit në qarkun e Elbasanit do të përfitojnë 400 femerë, prej të cilëve gjysma nga rrethi i Librazhdit, ndërkohë që prezantoi edhe projektin e ri të subvencionimit.

Deputeti i PS, Taulant Balla, u tha banorëve se “skema e mëparshme e subvencionimit ka qenë një skemë korrupsioni, por tashmë ky sistem po funksionon”. Ai u bëri thirrje banorëve të denoncojnë çdo rast të abuzimit nëse hasin në të tillë.

Ministria e Bujqësisë, në skëmën e subvencionimeve të këtij viti ka përcaktuar si përparësi vreshtat, pemtarinë, blegtorinë dhe baxhot. Numri i fermerëve përfitues pritet të rritet nga viti në vit.