Madona për herë të katërt është fytyrë mbrojtëse e shtëpisë “Versaçe”

Vetëm pak ditë pasi që botën e përshkuan fotografitë e saj lakuriq për botimin artistik të revistës “Interview”, Madona sërish është në fokus të opinionit të modës.

Ky është bashkëpunimi i katërt mes Madonna-s dhe markës së njohur italiane.

56-vjeçarja u fotografua për Versace-n për herë të parë në 1995 dhe më pas u zgjodh edhe disa herë të tjera. Në këtë fushatë mbretëresha e muzikës Pop ishte zgjedhur personalisht nga Donatella Versace.

“Madonna është një nga ikonat e vërteta të Versace-s”, shpjegoi Donatella për projektin e fundit të markës: “Jam e lumtur që kam miken time dhe një prej artisteve me më shumë fuqi si fytyrën e re të Versace për Pranverën e 2015”, përfundoi ajo.