Maqedonia deri në “fyt” borxhe
Sipas të dhënave, vetëm në tremujorin e dytë të vitit, është shënuar rritje e borxhit me 133 milionë euro. Banka Shtetërore Maqedonase informoi sot se borxhi i jashtëm në 6 muajt e parë të vitit është 5.7 miliardë euro ose 71.66 për qind nga Bruto Prodhimit Vendor (GDP).
Sipas Bankës, ky borxh kryesisht është rritur nga kreditë dhe huamarrjet e realizuara nga ana e Qeverisë tek institucionet ndërkombëtare financiare.
Por, guvernatori i Bankës Dimitar Bogov thotë se borxhi i jashtëm nuk është shqetësues. Sipas të dhënave, vetëm në tremujorin e dytë të vitit, është shënuar rritje e borxhit me 133 milionë euro.
Rritja e borxhit është kritikuar shumë herë nga opozita maqedonase, e cila për këtë fajëson Qeverinë dhe politikat e saj të shpenzimeve irracionale.
