Maqedonia zë vendin e 58-të për nga inovacioni ekonomik

Organizata e Kombeve të Bashkuara (OKB) e ka publikuar raportin më të ri për inovacion ekonomik në botë, ku është përfshirë edhe Maqedonia, transmeton Telegrafi Maqedoni.

Në këtë raport janë përfshirë 128 vende të botës, kurse Maqedonia radhitet në vendin e 58-të, duke grumbulluar gjithsej 35.4 pikë.

Në vendet e para radhiten Zvicra, Suedia, Britania e Madhe, SHBA-të dhe Finlanda, ku kompanitë janë të fokusuara në hulumtime dhe zhvillim, eksport të teknologjisë së lartë dhe prodhimeve inovative.