Marrëveshja mes Zaev dhe Ahmetit, reagon kryeministri Rama: Ditë e shënuar për shqiptarët në Maqedoninë e Veriut

“Ditë e shënuar për shqiptarët e Maqedonisë së Veriut,që falë marrëveshjes me fituesin e zgjedhjeve,Zoran Zajev, marrin një peshë të re në jetën politike të vendit fqinj. Urime të gjithëve, veçanërisht Ali Ahmetit, që me urtësinë e lidershipit të tij në vite ka bërë kaq shumë,” shkruan kryeministri.

Dy liderët e partive Ali Ahmeti dhe Zoran Zaev pasi një takimi për afro dy orë dolën para medieve për të konfirmuar bashkëqeverisjen katërvjeçare mes tyre. Kryeministër nuk do të jetë shqiptar, por Zoran Zaev, ndërsa  ne 100 ditet e fundit te mandatit kryeministri do te jete shqiptar.

Trupat më të lartë partiakë të LSDM-së dhe të BDI-së sot duhet ta konfirmojnë marrëveshjen për formimin e koalicionit qeveritar që dje e arritën liderët e dy partive Zoran Zaev dhe Ali Ahmeti.

LSDM-ja do të mbajë seancë të Këshillit qendror sonte në ora 20:00, ndërsa paraprakisht pritet të mblidhen edhe anëtarët e Këshillit ekzekutiv.

Lideri i partisë dhe mandatar Zaev dje në një deklaratë për mediumet pas takimit me Ahmetin paralajmëroi se për marrëveshjen e arritur do të referojë para organeve më të larta të partisë, ndërsa do t’i informojë edhe partnerët nga koalicioni “Mundemi”, si dhe PDSH-ja, të cilët do të përfshihen në koalicionin qeveritar. Një pjesë e koalicionit “Mundemi” janë partitë Besa, Partia liberale-demokratike, RDM etj.

BDI-ja tani më paralajmëroi se për në ora 18:00 në Tetovë është caktuar takim i Këshillit të përgjithshëm të partisë në të cilën do të bisedohet për zgjedhjet më 15 korrik, ndërsa Ahmeti do të informojë për marrëveshjen për koalicion me LSDM-në. Pas takimit është paralajmëruar deklaratë e Ahmetit.