Masakër në Elbasan, 3 të vrarë e 6 të plagosur në një shkëmbim zjarri

Të paktën 3 persona kanë vdekur dhe 6 të tjerë janë plagosur rëndë në një përleshje të armatosur të ndodhur mbrëmjen e sotme në qytetin e Elbasanit.
Burime policore bëjnë të ditur se ngjarja ka ndodhur në një lokal, në zonën periferike të Krastës, pranë stadiumit “Elbasan Arena”. Disa persona te veshur me uniforma policie kanë hapur zjarr me armë automatike në drejtim të lokalit, ku për pasojë dy persona kanë gjetur vdekjen dhe 5 të tjerë janë plagosur.
Identiteti i viktimave nuk bëhet ende me dije, ndërkohë që forca të shumta policie kanë mbërritur në vendin e ngjarjes dhe kanë bllokuar qarkullimin përgjatë gjithë aksit Elbasan-Librazhd si dhe janë ngritur postblloqe në rrugët e tjera dalëse të qytetit.
Ndërkohë, raportohet se ministri i Brendshëm, Saimir Tahiri ka urdhëruar dërgimin e forcave speciale drejt Elbasanit. Jane angazhuar forca policie te Durresit, Fierit dhe Beratit.
Pesë personat e plagosur, që të gjithë në gjendje të rëndë, janë nisur me helikopter drejt Tiranës, për mjekim të specializuar në Spitalin e Traumës.
Nga hetimet paraprake të uniformave blu dyshohet që ngjarja të jetë një larje hesapesh mes bandave rivale, Ngjarja e sotme e ka fillimin ne vitin 2015, midis dy familjeve e shoqeruar me nje varg ngjarjesh misterioze ku ka patur edhe te vrare.