Mblidhet Konventa e Grave Socialiste, Rama: Gruaja në shoqëri, potencial i jashtëzakonshëm

Nisi punimet në Tiranë, Konventa e Grave Socialiste, ku i pranishëm është edhe Kryeministri Edi Rama.

Kryetari i grupit parlamentar të Partisë Socialiste, Gramoz Ruçi, duke vlerësuar rolin e grave në shoqërinë shqiptare, tha se Partia Socialiste është e hapur ndaj grave dhe vajzave.

“Edhe në Kongresin e Partisë, i cili do të mblidhet këto ditë, 50 % e anëtarëve janë gra”, tha Ruçi. Gratë dhe vajzat shqiptare, sipas Ruçit, duhet të arrijnë kuotën 50 % tek organizata e Partisë.

Ndërsa ministrja e Arsimit, Lindita Nikolla tha se Partia Socialiste nxit përfaqësimin e gruas në politikë.

Kryeministri Edi Rama, i cili uroi gratë në të gjithë vendin me rastin 8 Marsit, tha se sot e nisa ditën duke dhuruar 3 buqeta me lule. Një për nënën, të cilës, tha Kryeministri nuk do të mund t’i jem asnjëherë aq mirënjohës sa e meriton. “Një tufë për vjehrrën. Dhe tufën e tret, gjysmës sime më të mirë”, tha Rama.

Konventa do të vijojë punimet me anëtarësime të reja.